UNTV News and Rescue

Nagsimula nang mamahagi ang Philippine Coast Guard ng pagkain at tulong sa mga mangingisda sa West Philippine Sea.

Samantala, sinabi naman ng MARINA na nasa kamay na ng mga shipping company ang pagtatakda ng pamasahe sa karagatan base sa umiiral na Deregulation Act.

‍

Tulad ng inaasahan, may panibagong pagtaas sa presyo ng produktong petrolyo bukas, March 17.

Gayunman, hindi na ito sinlaki ng ipinatupad na oil price increase noong nakaraang linggo.

Muli ring tiniyak ng Department of Energy na may sapat na supply ng langis sa bansa na tatagal hanggang buwan ng Abril o hanggang Mayo kung tuloy-tuloy ang pagtitipid.

‍

Hinihikayat ng samahan ng supermarket owners ang publiko na manatiling kalmado kahit may pagtaas sa presyo ng produktong petrolyo.

Ayon kay Steven Cua ng Philippine Amalgamated Supermarkets Association, hindi pa kailangan sa ngayon ang price freeze sa bansa.

‍

Tukoy na ng mga awtoridad ang mastermind sa pananambang sa alkalde ng Sharif Aguak noong nakaraang Enero.

Ito ay batay sa pahayag ng isa sa mga suspek na nagsilbing look out na sumuko sa National Bureau of Investigation (NBI).

Samantala, sumuko na rin ang tatlo pang miyembro ng Dawlah Islamiah dahil sa umano’y pressure sa operasyon ng militar.

‍

Target ng Department of Social Welfare and Development (DSWD) na tapusin ang pamamahagi ng P5,000 ayuda para sa tricycle drivers sa loob ng tatlong araw.

Magsisimula ang pamamahagi bukas, March 17.

Tiniyak naman ng DSWD at ng Department of Transportation ang pagbibigay ng ayuda sa mga tsuper ng iba pang uri ng pampublikong transportasyon.

‍