UNTV News and Rescue

Nag-viral ang isang estudyante matapos ibuhos ang kanyang emosyon online nang hindi siya payagang makakuha ng board exam dahil na-late ng apat na minuto.

Aniya, naalala niya ang lahat ng sakripisyo, gastos, at hirap para lang makapaghanda at makakuha ng pagsusulit para sa inaasam na lisensya.

‍

Mariing nagbabala si U.S. President Donald Trump na tuluyang pasasabugin ng Amerika ang South Pars gas field ng Iran kung hindi titigilan ng Tehran ang pag-atake sa Qatar.

Ito ang sinabi ni Trump matapos masangkot ang Qatar energy facility sa mga pinsalang dulot ng tensyon sa rehiyon.

Ang pasilidad ay ang pinakamalaking producer ng liquefied natural gas sa mundo.

‍

Dinaluhan ni Pangulong Ferdinand Marcos Jr. ang ika-129 na anibersaryo ng Philippine Army ngayong araw.

Sa okasyon, ibinilin ng Pangulo ang patuloy na pagpapalakas ng hukbong katihan sa kakayahan nito at pagsusulong ng kapayapaan sa bansa.

‍

Naparalisa ang ilang ruta sa bansa dahil sa transport strike ngayong araw, ayon sa grupong PISTON.

Gayunpaman, ilang tsuper ng pampasaherong jeepney ang patuloy pa ring bumiyahe sa kabila ng nationwide transport strike.

‍

Sasampahan ng administratibo at kriminal na reklamo ang 45 dati at kasalukuyang opisyal ng Bureau of Fire Protection kaugnay ng anomalya sa pagbili ng fire trucks mula 2018 hanggang 2024.

Ayon kay Secretary Jonvic Remulla, nagsimula ang imbestigasyon matapos siyang alukin ng P1.5-M sa bawat fire truck na bibilhin.

‍