UNTV News and Rescue

Inamin ni Pangulong Ferdinand Marcos Jr. na napabayaan ang sektor ng edukasyon sa matagal na panahon.

Kaya naman ayon kay PBBM, kayang magtuloy-tuloy ang repormang ipinatutupad sa sektor na ito.

‍

Papatawan ng parusa ng Land Transportation Franchising and Regulatory Board o LTFRB ang mga TNVS drivers na basta-bastang nagkakansela ng booking.

Sa inilabas na memorandum ng ahensya, itinuturing na paglabag sa ilalim ng refusal to convey passenger ang driver-initiated cancellations at may multa itong ₱5,000 sa unang offense, ₱10,000 at 30-araw na impound sa pangalawa, at ₱15,000 at kanselasyon ng prangkisa sa ikatlo.

‍

-Senate Blue Ribbon Committee, pinag-iisipan nang tapusin ang imbestigasyon sa flood control anomaly

-ICI, magpapatuloy sa trabaho hangga't hindi binubuwag ni PBBM

-No mall-wide sale tuwing Disyembre, malaking tulong para maibsan ang traffic ayon sa Metro Manila Council

‍

Sinampahan ng reklamo ng Department of Social Welfare and Development o DSWD sa Office of the Ombudsman ang ilang mga barangay officials sa Iloilo.

Kaugnay ito ng sumbong ng mga beneficiaries na kinukuha umano ng mga ito ang ayudang dapat ay kanilang tinatanggap partikular sa Assistance To Individuals In Crisis Situations o AICS program.

‍

Sinabi ni Metro Manila Council President at San Juan City Mayor Francis Zamora na malaking tulong din para maiwasan ang traffic build kung hindi isasabay ngayong Disyembre ang mall-wide sale.