UNTV News and Rescue

Iniutos ng Korte Suprema ng Venezuela na pansamantalang manungkulan si Vice President Delcy Rodriguez bilang Interim leader matapos madakip si Venezuelan President Nicolás Maduro sa isang operasyong militar ng Estados Unidos.

Ayon sa desisyon ng Constitutional Chamber, layon ng hakbang na matiyak ang pagpapatuloy ng pamahalaan at ang depensa ng soberanya ng bansa sa kawalan ng pangulo.

Conspiracy theory lamang ang kumakalat na isyu na itinalaga si dating Philippine National Police Chief Nicolas Torre III bilang bagong MMDA general manager upang maalis siya bilang 4-star rank officer ng PNP.

Ayon kay Torre, ngayon na magsisimula siya sa aniya’y mas mabigat na responsibilidad kumpara sa pagiging PNP chief, isa sa kanyang tututukan ay ang pagpapaayos ng disiplina sa mga pasaway na enforcer at pagpapabilis ng response time at clearing operation sa mga insidente ng banggaan.

Tumaas ang mga kaso ng road crash injuries at ilang non-communicable diseases nitong holiday season.

Ayon sa Department of Health, bukod sa mga firework-related injuries, kabilang ang mga ito sa itinuturing na pangunahing public health concerns.

Matapos ang seguridad na ipinatupad ng Philippine National Police sa buong bansa nitong holiday season, inilalatag ng National Capital Region Police Office ang plano para sa Traslacion sa January 9.

Kaugnay nito, nasa 1,000 pulis na naka-civilian clothes ang isasama sa deployment upang mapanatili ang kaayusan at seguridad.

Dumalo ngayong hapon sa pagdinig kaugnay ng reklamo sa flood control projects sina Senator Joel Villanueva at dating Senador Ramon “Bong” Revilla.

Kapwa itinanggi ng dalawa ang anumang pagkakasangkot nila sa umano’y maanomalyang proyekto.