UNTV News and Rescue

Naniniwala si House Assistant Majority Leader at Lanao del Sur 1st District Representative Zia Alonto Adiong na kulang sa ebidensiya ang reklamong impeachment laban kay Pangulong Ferdinand Marcos Jr.

Nakalinya ang pahayag na ito sa naunang sinabi ni House Speaker Bojie Dy III na wala itong nakikitang batayan sa reklamo.

‍

Inaresto ng National Bureau of Investigation sa senado kagabi sina Brice Ericson Hernandez, dating Assistant District Engineer ng DPWH Bulacan, at Jaypee Mendoza, dating construction Section Chief.

Ang pag-aresto ay base sa warrant of arrest na inilabas ng Sandiganbayan 3rd Division kaugnay ng isang umano'y “ghost” flood control project sa Bulacan.

‍

Nanawagan si Cavite 1st District Rep. Jolo Revilla ng patas na pagtrato sa ilalim ng batas para sa amang si dating Senator Bong Revilla.

Giit ng Kongresista, ang kusang pagsuko ng ama sa mga awtoridad ay isang matinding hakbang para harapin ang mga akusasyon laban sa kaniya.

‍

Pinatunayan ng Department of Public Works and Highways (DPWH) na totoo ang ilan sa Cabral files na hawak ni Representative Leandro Leviste.

Kaugnay nito ay sinabi ni Senador Lacson na maaaring ipagpatuloy ni Congressman Leviste ang paglalahad ng detalye ng mga kumpirmadong dokumento sa mga susunod na public hearing ng komite.

‍

Naglabas ng reaksyon ang Office of the Ombudsman kaugnay sa naging pahayag ni Curlee Discaya sa pagdinig ng Senate Blue Ribbon Committee kahapon na pakiramdam umano nito ay ninakawan siya nang hilingin ang restitution kaugnay ng mga anomalya sa flood control projects.

‍