UNTV News and Rescue

Nilinaw ng Bureau of Immigration na wala pang ebidensya na spy ang isang Chinese national na naaresto sa Batangas noong February 20.

Nagpakilalang Pilipino ang suspek gamit ang iligal na nakuha niyang Philippine documents, kabilang ang passport.

‍

Isinasapinal na ang Senate committee report para sa Anti-dynasty bill.

Ayon kay Senator Risa Hontiveros, isinusulong nitong ipatupad ang batas hanggang second degree of consanguinity o affinity.

Suportado rin ito ng kalahati ng mga miyembro ng Senado.

‍

Mas pinaigting ng Inter-Agency Council Against Trafficking (IACAT) ang pagbabantay sa mga transportation hub sa bansa upang maiwasan ang mga kaso ng human trafficking, lalo na sa panahon ng dagsa ng biyahero.

Samantala, sumailalim ang mga kawani ng Department of Transportation Special Action and Intelligence Committee sa hands-only CPR training bilang paghahanda sa nalalapit na long holiday.

‍

Inilarawan ni Sen. Risa Hontiveros na makasaysayang araw ang unang araw ng confirmation of charges laban kay dating Pangulong Rodrigo Duterte sa International Criminal Court.

Kasabay nito, muling iginiit ng senadora ang pangangailangan na muling sumapi ang Pilipinas sa Rome Statute.

‍

Kinumpirma ng Department of the Interior and Local Government na tinutunton na nito ang kinaroroonan ng mga pinangalanang umano’y co-perpetrators ni dating Pangulong Rodrigo Duterte sa kanyang kaso sa International Criminal Court.