UNTV News and Rescue

Naka-full alert status ang National Capital Region Police o NCRPO simula November 28 para sa Trillion Peso March sa November 30.

Off-limits naman sa anumang pagkilos o pagtitipon ang Mendiola na malapit sa Malacañang.

Isinusulong ng Senado ang karagdagang pondo para sa libreng pagpapagamot sa mga ospital ng Department of Health o DOH.

Mula sa kasalukuyang ₱53B, panukala ng Senado na itaas ito sa ₱62.6B na makatutulong sa karagdagang dalawang milyong pasyente sa DOH hospitals.

Kampante si dating Presidential Spokesperson Atty. Harry Roque na protektado pa rin siya sa ilalim ng international refugee law at hindi mapapauwi sa Pilipinas.

Ito ay sa kabila aniya ng panibagong hakbang ng pamahalaan na kanselahin ang kanyang passport at paghingi ng Interpol red notice laban sa kanya.

Mariing tinututulan ni Navotas City Rep. Toby Tiangco ang mungkahing house arrest o pagpapahintulot kay dating Congressman Zaldy Co na makapagpiyansa.

Ayon sa kongresista, no bail ang recommendation para sa kasong malversation at graft charges, kaya't walang puwang ang anumang hiling na house arrest o bail.

Balikan natin ang mga pangunahing balita sa nakalipas na linggo, dito sa Ito ang Balita: Weekend Refresh.