Sherwin Culubong

Naglabas na ng show cause order ang Land Transportation Office laban sa tinaguriang Bulacan Group of Contractors o BGC Boys.

May kinalaman ito sa paggamit umano nila ng pekeng driver’s license na ipinapakita tuwing nagka-casino sila.

Ikinabahala ni House Infrastructure Committee o Infra Comm Co-Chairperson at Bicol Saro Party-list Rep. Terry Ridon ang paglipat ng kustodiya kay dating DPWH Bulacan 1st District Asst. Engineer na si Brice Hernandez mula sa PNP Custodial Center patungong Pasay City Jail.

Umaapela ang kongresista na ikonsidera ng Senado ang desisyon nito, lalo na at mabibigat ang naging testimonya ni Hernandez laban sa dalawang senador na iniuugnay sa maanomalyang proyektong pang-imprastraktura sa Bulacan.

Inihayag ni Cavite 4th District Rep. Francisco ‘Kiko’ Barzaga na umalis na siya sa kinabibilangang National Unity Party dahil sa umano’y internal conflict at bumaba sa puwesto bilang House Asst. Majority Leader.

Ito ay matapos umano siyang paghinalaang nasa likod ng planong pagpapatalsik kay House Speaker Martin Romualdez.

Dumating na sa bansa ang ikalawang Miguel Malvar-class frigate ng Philippine Navy na tatawaging BRP Diego Silang o FFG-07.

Gayunman, isasailalim pa sa Technical Inspection and Acceptance o TIA ang bagong guided missile frigate ng Pilipinas bago tuluyang maisama sa active fleet ng Philippine Navy.

Handa si Pangulong Ferdinand Marcos Jr. na bigyan ng proteksyon ang mag-asawang Discaya sa gitna ng kanilang nalalaman sa mga umano’y iregularidad sa pagpapatupad ng infrastructure projects ng gobyerno.

Kabilang ito sa naging pahayag ng Pangulo sa Cambodia bago siya bumalik ng Pilipinas matapos ang kaniyang ilang araw na state visit.