Sherwin Culubong

Nagbabala si Manila Mayor Isko Moreno na hahabulin ng pamahalaang lungsod ng Maynila ang mga kontratistang hindi nagbabayad ng buwis.

Aniya, nasa halos 100 na mga kumpanya na may hawak ng flood control projects sa Maynila ang hindi nagbayad ng tamang buwis, kabilang na dito ang ilang kumpanya ng mga Discaya.

Hindi tuloy ang confirmation of charges ni dating Pangulong Rodrigo Duterte sa International Criminal Court o ICC sa darating na September 23.

Ayon sa pahayag na inilabas ng ICC kahapon, September 8, ito ay kasunod ng paghiling ng kampo ng dating pangulo na indefinite adjournment dahil hindi umano kayang humarap ni FPRRD sa paglilitis.

Balak magsampa ng kaso ng ilang kongresista laban sa mga Discaya dahil sa pagdawit ng mga ito sa kanila sa kontrobersya at umano’y paninira sa kanilang reputasyon.

Kinumpirma ng bagong Senate President na si Senator Vicente Tito Sotto na papalitan ni Senador Panfilo Lacson si Senador Rodante Marcoleta bilang Chair ng Blue Ribbon Committee.

Paliwanag ni Sotto, hindi miyembro ng majority si Marcoleta, kaya’t ang posisyon ay ibibigay kay Lacson.

Bumisita si Department of National Defense Sec. Gilberto Teodoro Jr. sa Camp Siongco sa Maguindanao del Norte nitong Sabado, kung saan nakipagpulong siya sa 6th Infantry Division at Joint Task Force Central.

Dito, ipinaalala ni Teodoro na dapat manatiling non-partisan o walang papanigan ang mga sundalo sa darating na unang Bangsamoro Autonomous Region in Muslim Mindanao (BARMM) elections sa Oktubre.