Nel Maribojoc

Pinabulaanan ni Special Assistant to the President for Investments and Economic Affairs Secretary Frederick Go ang mga ulat na malulugi ang Pilipinas sa kasunduan ng zero tariff sa U.S. imports.

Giit niya, pinag-aralan nang mabuti ang bawat aspeto ng negosasyon bago ito tuluyang tinanggap ng pamahalaan.

‍

Binisita ni Pangulong Ferdinand Marcos Jr. ang ilang evacuation centers sa gitna ng patuloy na pag-ulan. Ipinahayag ng Pangulo ang kanyang pag-aalala sa kapakanan ng mga estudyante dahil sa sunod-sunod na suspensyon ng klase dulot ng masamang panahon.

‍

Muling sinuspinde ng Malacañang ang klase bukas, July 24, sa mga lugar na patuloy na nakararanas ng sama ng panahon.

‍

Hindi nagustuhan ng ilang netizens ang paraan ng Department of the Interior and Local Government sa pag-aanunsyo ng kanselasyon ng pasok sa trabaho at paaralan sa social media.

Ipinagtanggol naman ni Pangulong Ferdinand Marcos Jr. ang istilo ni Secretary Jonvic Remulla sa pagbibigay ng anunsyo.

Samantala, iginiit din ng pangulo na hindi nararapat ang pagpaskil ng SONA materials sa ilang kalsada sa gitna ng nararanasang masamang panahon.

‍