Nel Maribojoc

Umabot sa 500 kaso ng pagbaha ang naitala ng MMDA sa gitna ng patuloy na habagat.

Ayon sa ahensya, bukod sa lumang drainage system, tambak na basura at ilang infra projects ang humaharang sa maayos na daloy ng tubig sa mga lansangan.

‍

Nasa Washington DC na si Pangulong Ferdinand Marcos Jr. para sa isang official visit.

Isa sa mga pangunahing pakay ng Pangulo sa kanyang pagbisita doon ang negosasyon sa ipinataw na taripa sa ilang produkto na iniluluwas ng Pilipinas sa Estados Unidos.

‍

Mas pinatatag na ng pamahalaan ang seguridad sa Pilipinas, ayon sa Malacañang. Ito ang tugon sa inilabas na alerto ng China para sa kanilang mga mamamayang nagnanais mag-aral dito.

‍

Malaki ang paniniwala ni Pangulong Ferdinand Marcos Jr. na mas mapapalakas ang turismo kung maaayos pa ang mga paliparan sa iba’t ibang panig ng bansa.

Kanina, pinangunahan ng Pangulo ang groundbreaking ceremony para sa pagtatayo ng bagong passenger terminal building sa Caticlan Airport.

‍

Sinimulan na ang pagpapatupad ng 50% diskwento sa pamasahe sa lahat ng linya ng tren para sa mga senior citizen at persons with disability o PWD.

Kumpyansa si Pangulong Ferdinand Marcos Jr. na sa taong 2028 ay masisimulan na ang operasyon ng Metro Manila Subway.

‍