Dante Amento

Wala nang mangyayaring formal signing ng panukalang pagpapaliban ng Barangay at Sangguniang Kabataan Elections, kundi hahayaan na lamang ito na mag-lapse into law.

Ito ay batay sa impormasyong natanggap ng Commission on Elections. Ayon kay Chairman George Erwin Garcia, August 14 awtomatikong magiging batas ang panukala kahit walang pirma ng pangulo.

‍

Nilinaw ng Korte Suprema na immediately executory o agarang ipinatutupad ang kanilang desisyon sa impeachment case laban kay Vice President Sara Duterte.

Pinagkokomento naman ng hukuman ang pangalawang pangulo sa inihaing motion for reconsideration ng House of Representatives sa kaso.

‍

Naghain ng mosyon sa Korte Suprema ngayong hapon ang ilang dating mahistrado upang humiling na maglabas ng kautusan na pansamantalang ipatigil ng Senado ang pagtalakay sa impeachment case laban kay Vice President Sara Duterte.

May ilang grupo rin ang nananawagang baligtarin ng hukuman ang desisyon ng SC kaugnay ng naturang kaso.

Naghain ng sulat sa Korte Suprema ang iba’t-ibang grupo o concerned citizen na humihiling sa hukuman na baligtarin ang kanilang desisyon sa impeachment case ni Vice President Sara Duterte. Anila dapat magkaroon din ng public oral arguments sa isyu.

‍

Naniniwala ang isang batikang constitutional lawyer na walang mangyayaring constitutional crisis kaugnay ng deklarasyon ng Korte Suprema na labag sa Saligang Batas ang articles of impeachment laban kay Vice President Sara Duterte.

Binigyang-diin nito ang aniya'y malubhang pag-abuso ng Kamara sa kapangyarihan sa paghawak ng impeachment case ng Bise Presidente.