Dante Amento

May petsa na kung kailan lalagdaan ni Pangulong Ferdinand Marcos Jr. ang panukala para sa pagpapaliban ng Barangay at Sangguniang Kabataan Elections.

Target naman ng Commission on Elections na makapagparehistro ng mas maraming Indigenous People ngayong taon.

Simula na ngayong araw ang 10-day voter registration o pagpaparehistro ng mga botante sa buong bansa, bilang paghahanda sa nalalapit na Barangay at Sangguniang Kabataan elections.

Kaugnay nito ay pinangunahan ng COMELEC main office ang pagpaparehistro sa isang Indigenous People o IP community sa Mabalacat, Pampanga.

Inihayag ng Commission on Elections na posibleng pirmahan ni Pangulong Ferdinand Marcos Jr.  ang panukalang batas na maaaring magresulta sa pagpapaliban ng barangay at Sangguniang Kabataan elections.

Naghihintay lang aniya ang COMELEC ng pormal na aksyon mula sa Malakanyang.

‍

Kinakitaan umano ng kapabayaan si Philippine National Police Chief General Nicolas Torre III at ang ilang opisyal ng pambansang pulisya sa imbestigasyon sa pagkawala ng aktibista sa Bicol na si Felix Salaveria Jr.

Sa desisyon ng Court of Appeals, sinabi nito na may negligence sa bahagi ni Torre na noon ay hepe ng CIDG.

‍

Naniniwala si retired Senior Associate Justice Antonio Carpio na maaari pang baliktarin ng Supreme Court ang naunang desisyon nito na nagsasabing labag sa Konstitusyon ang articles of impeachment laban kay Vice President Sara Duterte.

Kaya payo ni Carpio, dapat hintayin muna ng Senado ang pinal na desisyon ng Korte bago umakto sa kaso.

‍