Dante Amento

Pinaiimbestigahan ni Mamamayang Liberal Party-list Representative Leila de Lima sa Department of Justice ang ilang prosecutor o piskal kaugnay sa umano'y Grave Misconduct at Gross Ignorance of the Law.

Ang hiling ng mambabatas ay may kaugnayan sa kanyang acquittal sa illegal drug trade case.

‍

Hindi ititigil ng Commission on Elections (COMELEC) ang preparasyon para sa Barangay at Sangguniang Kabataan Elections kahit na ganap nang batas ang bill na magpapaliban sa BSKE matapos itong lagdaan ng pangulo kahapon.

Ayon sa komisyon, inaasahan na nilang may kukwestyon sa Korte Suprema kaugnay ng constitutionality nang nasabing batas.

‍

Tuloy na tuloy na ang Bangsamoro parliamentary elections sa Oktubre.

Katunayan, pormal nang magsisimula bukas ang election period.

Sasailalim na rin sa pagsasanay ang mga posibleng ipalit sa mga Board of Election Inspectors sakaling umurong ang mga gurong magsisilbi sa halalan.

Hinikayat ng iba’t-ibang grupo kasama ng aviation workers at civic group ang Korte Suprema na ideklarang walang bisa ang Ninoy Aquino International Airport o NAIA Public-Private Partnership Concession Agreement.

Tinututulan din nila ang anila’y napakataas na mga service fee sa paliparan.

Hihingi ng tulong ang Department of Justice sa University of the Philippines para sa DNA testing ng mga butong nakuha sa Taal Lake.

Patuloy pa rin ang search and retrieval operations kung saan may narekober pang mga buto na posibleng kaugnay sa kaso ng mga nawawalang sabungero.