Benedict Samson

Naglabas ng Blue Alert Status ang National Disaster Risk Reduction and Management Council (NDRRMC) bilang paghahanda sa magiging epekto ng Bagyong Isang.

Nag-activate na rin ng Virtual Emergency Operations Center ang NDRRMC upang masiguro ang maayos na koordinasyon ng bawat ahensiya na tutugon sa emergency.

Tila hindi inaalintana ng mga driver at may-ari ng sasakyan ang umiiral na No Contact Apprehension Policy o NCAP sa bahagi ng isang paaralan sa Ortigas Avenue.

Sa tala ng Metropolitan Manila Development Authority, umabot na sa higit 1,500 ang naitalang lumabag sa NCAP sa loob ng isang buwan.

‍

Planong talakayin sa susunod na pagpupulong ng Metro Manila mayors ang pagkakaroon ng ordinansa hinggil sa pagpapataw ng mas mataas na multa sa mga mahuhuli na nagtatapon ng basura sa mga iligal na lugar.

‍

Sa kabila ng hindi pa pinayagang pisong provisional fare increase, humihiling naman ang ilang transport group na maibalik ang Pangtawid Pasada Program upang sa gayon ay makatulong sa mga driver na apektado ng tumataas na presyo ng produktong petrolyo.

‍

Naniniwala ang urban planner na si Architect Felino “Jun” Palafox Jr. na hindi dapat isisi sa climate change ang pagbaha sa ilang lugar sa bansa.

Dagdag pa niya, dapat masusing pag-aralan ang disenyo ng mga gagawing flood control project.