Asher Cadapan Jr.

Iimbitahan ng Senado ang civil society organizations at budget experts sa pagdinig para sa panukalang 2026 national budget.

Ito ang inihayag ni Senator Sherwin Gatchalian kasabay ng pagtanggap ng Senado ng kopya ng panukalang pondo.

Tiniyak din ng Senate Committee on Finance chairperson na hindi nito papayagang maisingit ang ilang programa sa bicameral conference committee report.

Wala nang parliamentary courtesy sa pagitan ng 2 Kapulungan ng Kongreso.

Ito ang sentimyento ni Senate Senior Deputy Majority Leader JV Ejercito sa gitna ng bangayan sa pagitan ng Kamara at Senado.

‍

Itinanggi ni Senate president Francis Escudero na may kaugnayan siya sa isa sa labinlimang kontratista ng gobyerno na isiniwalat ni Pang. Ferdinand Marcos Jr. sa halip, sinabi niya na isa itong demolition job laban sa kaniya.

Isang umano’y miyembro ng House of Representatives na naapektuhan sa impeachment ang sangkot sa demolition job laban kay Senate President Francis Escudero.

Ito ang inihayag ng Senate President kasunod ng pagsisiwalat ni Pangulong Ferdinand Marcos Jr. hinggil sa 15 contractor na nakakuha ng malalaking proyekto ng pamahalaan.

‍

Nanawagan ang ilang senador sa China na itigil ang karahasan sa West Philippine Sea.

Kasunod ito ng bagong ulat ng pangha-harass ng Chinese Coast Guard at militia sa mga tauhan ng Philippine Coast Guard.