Annie Rentoy

Balak ng pamilya Discaya na maghain ng motion for reconsideration sa Philippine Contractors Accreditation Board o PCAB, kasunod ng pagbawi sa lisensya ng siyam nitong construction companies.

Ayon sa legal counsel ng Discaya na si Atty. Cornelio Samaniego III, biglaan ang ginawang revocation sa mga ito.

Nais ni Pangulong Ferdinand Marcos Jr. na magkaroon ng “ngipin” ang binubuong independent commission na mag-iimbestiga sa anomalya sa flood control projects.

Lubhang dismayado si Senate Majority Leader Joel Villanueva sa mga kababayan nito sa Bulacan sa hanay ng Department of Public Works and Highways o DPWH.

Bunsod ito ng mga naibunyag na katiwalian sa ilalim ng DPWH sa kanilang lalawigan, na nakitaan ng mga ghost flood control project.

Sinagot ng Malacañang ang pasaring ni Vice President Sara Duterte na kaya umanong tapusin sa isang araw ang imbestigasyon sa flood control projects.

Sinabi ng Bise Presidente na madali lang naman aniyang matukoy ni PBBM ang mga sangkot sa anomalya kung gugustuhin talaga nitong may managot na opisyal.

Higit sa 1,600 flood control projects ang mayroon sa Metro Manila ayon sa DPWH ng National Capital Region.

Ngunit sa report ni DPWH NCR Assistant Regional Director Engr. Montrexis Tamayo sa House Committee on Metro Manila Development kahapon, 450 sa mga ito ang ginagawa pa.