Tiniyak ng Department of Trade and Industry o DTI na walang magiging pagtaas sa presyo ng mga pangunahing bilihin sa loob ng susunod na tatlumpung araw.

Kasunod ito ng kasunduan ng ahensya sa 21 manufacturers na panatilihin ang presyo ng mga produkto tulad ng sardinas, tinapay, bottled water, instant noodles, kape, de-lata, sabon, at kandila sa kabila ng epekto ng tensyon sa Middle East.