Muling ipinagpatuloy ng Korte Suprema ang oral arguments upang busisiin kung may mga probisyon sa General Appropriations Act (GAA) ng 2024 hanggang 2026 na lumalabag sa Saligang Batas.

Sa pagdinig, hindi naiprisinta ng Office of the Solicitor General ang bicameral conference committee supporting documents na hiniling ng ilang mahistrado, kabilang si Justice Benjamin Caguioa, sa nakaraang oral arguments.