Muling nakaranas ng matinding pag-atake ang kabisera ng Ukraine na Kyiv mula sa Russia, kung saan walo ang napaulat na nasawi habang marami pa ang nasugatan matapos ang malawakang ballistic missile strike nitong Linggo.

Sa kabila ng malaking pinsala, tiniyak ni Ukrainian President Volodymyr Zelenskyy na magpapatuloy ang pagdepensa ng kaniyang bansa. Muli rin siyang nanawagan sa mga kaalyado na magbigay ng mas maraming air defense systems.