Zarah Mendez

Nangako si US President Donald Trump kay Ukrainian President Volodymyr Zelenskyy na tutulong ang Estados Unidos sa pagbibigay ng seguridad para sa Ukraine sakaling magkaroon ng kasunduan sa kapayapaan laban sa Russia.

‍

Nagpulong sina Indian Foreign Minister Subrahmanyam Jaishankar at Chinese counterpart Wang Yi upang palakasin ang ugnayan ng dalawang bansa at talakayin ang kapayapaan sa hangganan.

‍

Nag-alok ang China na tulungan ang Thailand at Cambodia na maibalik ang magandang relasyon matapos ang sagupaan sa border ng 2 bansa noong nakaraang buwan.

Umabot sa 43 ang nasawi at mahigit 3,000 ang lumikas nang sumiklab ang 5 araw na giyera.

‍

Posibleng magkansela ang Air Canada ng humigit-kumulang 500 flights ngayong Biyernes bago ang nakatakdang welga ng nasa 10k flight attendants sa Sabado. Dahil ito sa naudlot na negosasyon kaugnay sa sahod at bayad sa oras ng trabaho.

‍

Anim na bata at isang school staff ang sugatan matapos bumangga ang isang SUV sa lobby ng Manila Central University sa Caloocan City kahapon, August 14.

Base sa inisyal na imbestigasyon, nawalan umano ng kontrol ang 70-year-old na driver ng sasakyan, dahilan para magdire-diretso ito sa loob ng gusali at masagasaan ang mga bata.

‍