%201.svg){kind=logo}
Emergency Hotline:
(+63) 2 911 – 8688
Nagbabala ang isang Makabayan lawmaker kaugnay ng anti-corruption statements ni Pangulong Ferdinand Marcos Jr. na umano’y ginagamit para pagtakpan ang kawalan ng aksyon sa mga miyembro ng Gabinete na iniuugnay sa flood control scandal.
Nakikiisa naman ang mga manggagawa sa film industry sa panawagang papanagutin ang mga tiwaling opisyal at kawani ng pamahalaan.
Nagbalik ng P110-M si dating Department of Public Works and Highways district engineer Henry Alcantara sa pamamagitan ng Department of Justice.
Ayon sa DOJ, nasa P300-M ang kabuuang halaga na inaasahan nilang isasauli ni Alcantara sa gobyerno.
Pinasok ng mga tauhan ng Philippine National Police Criminal Investigation and Detection Group – National Capital Region at ng National Bureau of Investigation ang isang hotel sa Pasay City.
Dala ng mga operatiba ang warrant of arrest para isilbi sa 3 opisyal ng Sunwest Inc. na inaakusahang sangkot sa flood control mess sa Oriental Mindoro.
Inutos ni Pangulong Ferdinand Marcos Jr. sa mga kaukulang ahensya ng pamahalaan na tiyaking hindi magagalaw o magagamit ni resigned Ako Bicol Party-list Rep. Zaldy Co ang kanyang air assets kasunod ng inilabas na freeze order.
Iginiit naman ng Malacañang na may matibay na basehan si Marcos nang ibunyag niya na nagtangka umano ang kampo ni Co na i-blackmail siya.
Dalawang empleyado ng DPWH Region 2 ang natabunan ng biglaang pagguho ng lupa sa Cagayan kaninang umaga.
Ayon sa Municipal Disaster Risk Reduction and Management Office, isa sa mga biktima ay ligtas na habang ang isa ay nasa kritikal na kalagayan matapos ang insidente.
