UNTV News and Rescue

Ininspeksyon ni Pangulong Ferdinand Marcos Jr. ang bagong gawang Bucana Bridge, o kilala rin bilang Davao River Bridge.

Ang naturang tulay ay naging inisyatibo at nakumpleto sa ilalim ng Marcos administration.

Natapos na ni dismissed Bamban, Tarlac Mayor Alice Guo ang kanyang medical at laboratory examinations sa loob ng Pasig City Jail.

Ayon sa Bureau of Jail Management and Penology o BJMP, bahagi ito ng pre-transfer protocol bago ilipat sa Correctional Institution for Women si Guo.

Puspusan na ang ginagawang cyber patrolling ng PNP Anti-Cybercrime Group upang masawata ang mga nagbebenta ng paputok online.

Ilang operasyon na rin ang isinagawa ng pulisya na nagresulta sa pagkakahuli ng ilang online sellers.

Ini-anunsyo ng transport group na Manibela na magsasagawa sila ng tatlong araw na transport strike mula December 9 hanggang 12.

Handa rin anila silang i-extend ang tatlong araw na tigil-pasada kung kinakailangan.

Muling magsasagawa bukas ng public auction ang Bureau of Customs para sa mga luxury car ng mag-asawang Curlee at Sarah Discaya na hindi nabili nang unang isinubasta noong Nobyembre.

Bagsak-presyo na anila ito para makaakit ng mga bibili.