UNTV News and Rescue

Muling iginiit ng Malacañang na hindi kidnapping ang nangyaring pag-turnover ng pamahalaan ng Pilipinas kay dating Pangulong Rodrigo Duterte sa International Criminal Court (ICC).

Binigyang-diin din ng palasyo na hindi kailangang tutukan pa ni Pangulong Ferdinand Marcos Jr. ang mangyayaring confirmation of charges sa dating pangulo.

‍

Naniniwala ang isang political analyst na nasa mahirap na sitwasyon ngayon si Vice President Sara Duterte kaya agad niyang inihayag ang kanyang kandidatura sa pagka-pangulo sa 2028 elections.

Kaugnay ito ng magkakasunod na reklamong impeachment laban sa kanya.

Ayon sa analyst, malinaw rin ang mensaheng nais ipaabot ng pangalawang pangulo sa mga mambabatas sa Kamara.

‍

Hindi dapat maapektuhan ng maagang pag-aanunsyo ng kandidatura ni Vice President Sara Duterte ang gagawing deliberasyon ng House Justice Committee sa mga impeachment complaint laban sa kanya.

Posible ring siyasatin sa nakaambang impeachment proceedings ang bank records ni Vice President Duterte.

‍

Isa na namang pagawaan ng iligal na sigarilyo ang sinalakay ng Bureau of Customs kasama ang iba pang law enforcement agency sa Tanza, Cavite kahapon.

Tinatayang nasa P200-M halaga ng tobacco products at equipment ang nakumpiska sa operasyon.

Naniniwala si Interior and Local Government Secretary Jonvic Remulla na hindi mga Pilipino kundi mga dayuhan ang nasa likod ng operasyon ng kartel ng sigarilyo sa bansa.

‍

Iwasan ang mga panawagang labag sa Konstitusyon.

Ito ang paalala sa mga lalahok sa Trillion Peso March Part 3, kasabay ng ika-40 na anibersaryo ng People Power 1.

Ayon sa mga organizer, bukas sila sa paglahok ng iba pang grupo, kabilang ang supporters ng mga Duterte.

‍