UNTV News and Rescue

Sa talumpati ni Ombudsman Crispin Remulla kahapon sa International Anti-Corruption Day, sinabi nitong hindi kailanman dapat magamit ang Office of the Ombudsman sa anumang klase ng pamumulitika.

Pormal nang natanggap kahapon, December 9, ng Independent Commission for Infrastructure o  ICI ang karagdagang mga dokumentong may kaugnayan sa flood control projects.

Ayon sa ICI, 48 kahon ng dokumento na naglalaman ng 11 project reports mula sa iba't ibang lugar ang dinala kahapon ng Philippine National Police.

‍

Panibagong batch ng mga nasasangkot sa flood control scandal ang posibleng makasuhan na rin sa Sandiganbayan ngayong linggo ayon kay Assistant Ombudsman Mico Clavano.

Samantala, panibagong reporma sa loob ng opisina ang plano ni Ombudsman Jesus Crispin Remulla, kasama na rito ang pagtatalaga ng mga marshals upang masigurong walang makakasagabal o manggugulo sa kanilang mga isinasagawang imbestigasyon.

‍

Nanawagan sa Kamara at Senado ang grupo ng civil society organizations na Bantay Budget Network na isapubliko ang lahat ng budget documents bago pa ang isasagawang bicameral conference kaugnay ng proposed 2026 budget.Kabilang na dito ang lahat ng sinasabing allocables, line-by-line amendments, at kung sino ang proponents o nasa likod ng mga pagbabagong ito.

Nagpahayag ng pagkabahala si House Deputy Speaker Antipolo 1st Dist. Rep. Ronnie Puno dahil sa naririnig nito na may mga binawas umano ang Senado na alokasyon para sa soft projects sa ilang ahensya ng pamahalaan na makakaapekto sa serbisyong ipinagkakaloob sa kanilang constituents.