UNTV News and Rescue

Naghain ng mosyon si Kamanggagawa Party-list Rep. Eli San Fernando na ipagpaliban ang pagtalakay sa panukalang budget ng Department of Labor and Employment (DOLE) para sa susunod na taon.

Kaugnay ito ng muling paggiit sa pagpapatupad ng P85 wage increase para sa mga manggagawa sa Metro Manila.

‍

Pinaiigting ng Iran ang kontrol nito sa Strait of Hormuz bilang tugon sa umiiral na blockade ng Amerika laban dito.

Inihayag ni Iran National Security Council Secretary Mohsen Rezaei ang planong maritime exclusion zone bilang pantapat sa hakbang ng US.

‍

Plano nang magretiro sa public service ni Metropolitan Manila Development Authority General Manager Usec. Nicolas Torre III.

Inihayag ito ni MMDA Chairman Romando Artes matapos masangkot si Torre sa ilang paglabag sa batas-trapiko.

Sa gitna ng isyu, tiniyak ni Artes na walang special treatment ang ahensya pagdating sa traffic violations.

‍

Hindi umano maituturing na paglabag sa Saligang Batas kung hihilingin ng House prosecution team na ipa-subpoena bilang testigo si Vice President Sara Duterte.

Samantala, sisimulan na ng prosekusyon sa susunod na linggo ang pagtalakay sa unexplained wealth article laban sa bise presidente.

‍

Indikasyon umano na seryoso ang administrasyon sa pagpapanagot sa mga sangkot sa flood control project anomalies ang pag-aresto kay dating House Speaker Martin Romualdez, na pinsan ni Pangulong Ferdinand Marcos Jr.

Ayon sa isang political analyst, hindi dapat magtapos kay Romualdez ang paghabol sa mga sangkot sa katiwalian.

‍