UNTV News and Rescue

Tinitingnan ng Department of Migrant Workers (DMW) ang iba't ibang option para sa overseas Filipino workers na nag-avail ng repatriation program ng pamahalaan sa gitna ng tumitinding kaguluhan sa Middle East.

Panawagan naman ng DMW sa ating mga kababayan na nasa lugar ng kaguluhan, patuloy na sumunod sa patakaran ng ibang bansa para matiyak ang kanilang kaligtasan.

‍

Inatasan na ng Office of the Ombudsman ang National Bureau of Investigation para pangasiwaan ang gagawing imbestigasyon laban sa 18 nagpapakilalang dating miyembro ng Philippine Marine Corps.

Ang mga ito ang naglantad ng umano’y kanilang nalalaman sa anila ay nangyayaring korapsyon sa bansa.

Ayon sa NBI, mula sa 18 ay may ilan na silang natukoy na hindi totoong miyembro ng Marines, habang ang ilan naman ay may kinakaharap na criminal case.

‍

Ipinag-utos ni US President Donald Trump ang pagbibigay ng insurance sa lahat ng barko at oil tankers na dadaan sa Strait of Hormuz.

Bukod dito, inatasan din ni Trump ang US Navy na mag-deploy ng tropa bilang escort ng oil tankers na dadaan sa nasabing shipping lane.

‍

Pinamamadali na ni Public Works and Highways Secretary Vince Dizon ang mga proyekto kontra baha bago pa ang tag-ulan.

Ayon sa kalihim, plano nilang gumamit ng malalaking drainage pipes sa mga bahaing lugar sa Metro Manila.

‍

Nagdesisyon si U.S. President Donald Trump na putulin ang ugnayang pangkalakalan sa bansang Spain.

Ito ay matapos tumanggi ang Spain government na ipagamit ang military bases nito upang makaposisyon ang opensiba ng Amerika.

‍