UNTV News and Rescue

Hindi kasindak-sindak para sa administrasyon ni Pangulong Ferdinand Marcos Jr. ang pag-anunsyo ni Vice President Sara Duterte ng kanyang pagtakbo sa 2028 presidential elections.

Ayon kay Palace Press Officer Undersecretary Claire Castro, matagal na niyang naramdaman ang pangangampanya ng bise presidente sa labas ng bansa, kaya hindi na nakakagulat ang naging deklarasyon nito.

‍

Nagpatupad ng ilang pagbabago sa visa application process ang Korea Visa Application Center o K-VAC.

Sa bagong polisiya, hindi na kailangan ang three-months bank statement sa lahat ng klase ng visa application.

‍

Inalis na sa pwesto ang dalawang pulis na sakay ng patrol vehicle ng Philippine National Police matapos mag-viral ang video ng umano’y panghaharang sa isang motorista sa Maynila.

Ayon sa mga pulis, nasiraan sila ng sasakyan kaya’t huminto ang mga ito sa kalagitnaan ng traffic.

‍

Itinalaga ni Pangulong Ferdinand Marcos Jr. si Atty. Melvin Matibag bilang bagong Director ng National Bureau of Investigation.

Papalitan niya si Atty. Angelito Magno.

Kilala si Matibag bilang kaalyado ni dating Pangulong Rodrigo Duterte.

‍

Kapansin-pansin na hindi nagkamayan sina Pangulong Ferdinand Marcos Jr. at dating Pangulo na ngayo’y Congresswoman Gloria Macapagal-Arroyo sa isang event kanina sa San Jose del Monte, Bulacan.

Makikita sa video na habang nakahilera ang mga kapwa panauhin para sa photo opportunity, isa-isa silang kinamayan ni PBBM maliban sa former president.

‍