UNTV News and Rescue

Nagpulong sa White House si U.S. President Donald Trump at German Chancellor Friedrich Merz kung saan nagpahayag ng suporta ang Germany sa mga operasyon ng United States at Israel laban sa Iran.  

Tinalakay din ng dalawang lider ang lumalawak na digmaan sa Middle East, ang relasyong pangkalakalan ng U.S. at Europe, at ang patuloy na digmaan sa Ukraine.

‍

Magpapadala ang United Kingdom ng isang Royal Navy warship sa Cyprus upang paigtingin ang seguridad sa paligid ng RAF Akrotiri.  

Ito ay bunsod ng lumalalang digmaan sa pagitan ng Estados Unidos at Israel laban sa Iran.

‍

Pinag-aaralan ng Department of Migrant Workers ang land travel bilang alternatibong paraan para sa repatriation ng mga Pilipinong nais umuwi mula sa Middle East.  

Ito ay dahil sarado pa ang airspace at ilang paliparan sa mga bansang apektado ng tensyon sa rehiyon kabilang ang Israel, kaya limitado ang paggamit ng air travel.

‍

Mahigpit na mino-monitor ng Department of Agriculture ang nagpapatuloy na gulo sa Middle East na maaaring magpataas sa presyo ng langis.  

Ayon kay Agriculture Sec. Francisco Tiu Laurel Jr., posibleng tumaas ang gastos sa fuel, fertilizer, at freight na ginagamit ng mga magsasaka at mangingisda kung tatagal ang tensyon.

‍

Ilang mambabatas ang nagrekomendang ipatupad ang probisyon ng Tax Reform for Acceleration and Inclusion o TRAIN Law para sa automatic suspension ng fuel excise tax kapag lumampas sa $80 ang presyo ng kada bariles ng krudo.  

Gayunman, nilinaw ng Malacañang na hindi na ito maaaring gamitin dahil umiiral lamang ang probisyong ito mula 2018 hanggang 2020.

‍