UNTV News and Rescue

Bilang pagkilala sa mga kababaihan ngayong National Women’s Month, magbibigay ang Civil Registration Service ng libreng kopya ng birth o marriage certificate tuwing Lunes sa buong buwan ng March.

Naniniwala si Ombudsman Crispin Remulla na politika at panghihikayat na mag-aklas ang nasa likod ng paglantad ng 18 na nagpakilalang dating miyembro ng Philippine Marines.

Iginigiit naman niya na nararapat na gawing bawat indibidwal ang affidavit at hindi joint affidavit ang isusumite ng mga ito.

‍

Hindi pinaboran ng mayorya ng United States Congress ang resolusyon na naglalayong pigilan si US President Donald Trump sa paggamit ng resources ng Amerika sa gyera kontra Iran.

Ayon sa oposisyon, ang labanan sa Iran ay hindi laban ng Amerika at naglalagay lamang sa buhay ng US military sa panganib.

‍

Nangako ang malalaking tech companies sa Estados Unidos na sasagutin ang bayad sa kuryente na nakokonsumo ng kanilang data center.

Kasunod ito ng batikos mula sa mga komunidad dahil sa mataas na konsumo ng enerhiya ng mga pasilidad.

‍

Pormal nang pinagsusumite si Vice President Sara Duterte ng tugon sa dalawang impeachment complaints na tinukoy na sufficient in substance ng House Justice Committee.

Ayon sa opisina ng Pangalawang Pangulo, natanggap na nila ang notice to respondent.

‍