UNTV News and Rescue

Ipina-subpoena na ng National Bureau of Investigation ang labing-walong nagpakilalang mga dating miyembro ng Philippine Marine Corps.

Ito ay matapos silang atasan ng Office of the Ombusdman na mangasiwa sa gagawing pag iimbestiga sa inilabas na pahayag ng mga ito laban sa ilang matataas na opisyal ng pamahalaan.

‍

Ininspeksyon kanina ni Department of Public Works and Highways o DPWH Secretary Vince Dizon ang drainage system project sa Taft Avenue sa Maynila.  

Ayon sa kalihim, prayoridad nilang matapos na maisaayos ito sa taong 2027.

‍

Muling humarap ngayong araw sa Sandiganbayan sina dating Senador Ramon ‘Bong’ Revilla Jr. at anim pang kapwa akusado sa kasong malversation.

Kaugnay nito ay sinita ng korte ang prosekusyon matapos hindi idetalye ang tetestigo sa pagdinig sa April 6.

‍

Kinikilala ni Pangulong Ferdinand Marcos Jr. ang malaking hamon na kinakaharap ngayon ng bansa, kabilang na ang hamon sa paghahanap ng trabaho at pagnenegosyo.

Kaugnay nito, tiniyak ng Pangulo ang pagpapatupad ng programang makatutulong para sa trabaho at negosyo sa mga pilipino.

‍

Pormal nang natanggap ng kampo ni Vice President Sara Duterte ang 'notice to respondent' ng House Justice Committee at ang kopya ng dalawang impeachment complaints at may sampung araw ito para sagutin ang mga alegasyon laban sa kaniya.