UNTV News and Rescue

Pag-aaralan ng Office of the Ombudsman ang mga reklamong isinampa laban kay Executive Secretary Ralph Recto at dating PhilHealth President Emmanuel Ledesma.

Kaugnay ito ng nangyaring P60 billion fund transfer ng PhilHealth papunta sa National Treasury noong 2024 ayon sa kautusan ni Recto nang sya pa ang kalihim ng Department of Finance.

‍

Ganap nang state witnesses ang 3 dating opisyal ng Department of Public Works and Highways (DPWH) at ang kontraktor na si Sally Santos.

Walang natanggap na direktang alok si Ombudsman Crispin Remulla na isang bilyong piso upang manahimik sa imbestigasyon ng flood control scandal.

Ito’y kasunod ng kumpirmasyon ng kanyang kapatid na si Interior and Local Government Secretary Jonvic Remulla na may nagtatangka sa kanilang manuhol ayon sa kanilang malapit na kaibigan.

Umaabot na sa ₱316.3 million ang kabuoang naisauling pera ng 4 na state witnesses sa gobyerno mula sa iligal nilang kinita sa flood control projects at iba pang transaksyon ayon kay Justice Secretary Fredderick Vida.

Walang kinalaman sa Cabral files ang pagkansela ng Department of Energy sa mga kontrata sa gobyerno ng kumpanya ni Batangas First District Rep. Leandro Leviste.

Ayon kay Energy Secretary Sharon Garin, unfair o hindi patas ang mga naging pahayag ng kongresista matapos ang termination of contract.