UNTV News and Rescue

Imbitado si United States President Donald Trump, kasama ang iba pang non-asean leaders sa gaganaping Association of Southeast Asian Nation o ASEAN summit 2026 sa Pilipinas.

Sa ngayon, pinaghahandaan na ng Pilipinas ang anumang aberya sa seguridad sa isasagawang pagho-host ng ASEAN summit ngayong 2026.

‍

Posible may madagdag pa sa mga kasalukuyan at dating senador na iniimbestigahan kaugnay ng maanomalyang flood control projects ayon kay Ombudsman Crispin Remulla.

‍

Umusad na kahapon, January 8 ang pagdinig kaugnay ng unang flood control case tungkol sa substandard flood control project sa Oriental Mindoro na nagkakahalaga ng P289.5 million.

Kahapon ang unang araw ng pagdinig kaugnay ng petition for bail ng mga akusado sa kasong malversation of public funds through falsification of public documents.

‍

Pinag-aaralan pa ng Office of the Ombudsman ang proseso ng pagbubukas ng Central Processing Onit o CPU ng computer na pagmamay-ari ng yumaong si former Department of Public Works and Highways Undersecretary Maria Catalina Cabral.

Pinadedeklarang unconstitutional o labag sa Saligang Batas nina Representatives Leila de Lima at Edgar Erice ang section 43 ng Republic Act 12314 o ang 2026 General Appropriations Act.

Ito ay ang unprogrammed appropriations provision ng 2026 GAA.