UNTV News and Rescue

Hindi na makakapag-apply ng US visa ang mga residente mula sa 75 na bansa simula January 21.

Ayon sa US State Dept., kinakailangang marebisa ang vetting at assessment processes ng U.S. sa mga applicant mula sa mga bansang ito upang maiwasan ang pandaraya.

Inaasahang ipatutupad sa madaling panahon ng Department of Information and Communications Technology ang mas pinalawig na paggamit ng blockchain technology upang mabantayang mabuti ang paggamit ng pambansang pondo.

Samantala, maaari nang magsumbong ang publiko sa mga reklamo nito sa delivery services sa pamamagitan ng ‘Oplan Bantay Padala’ ng ahensya.

Itinuturing nang fugitive from justice ng Department of Justice ang negosyanteng si Atong Ang.

Ito ay matapos na hindi sumuko si Ang kahit na mayroon nang warrant of arrest laban sa kanya na inisyu ng korte sa Laguna.

Naglabas na ng reward money ang Department of the Interior and Local Government (DILG) para sa agarang ikaaaresto sa itinuturing na mastermind sa kaso ng missing sabungeros na si Charlie Atong Ang.

Ayon kay DILG Sec. Jonvic Remulla, number one most wanted na ngayon ng bansa si Ang na itinuturing na ring armed and dangerous.

Hinay-hinay lang.'

Ito ang payo ni Senator Panfilo Lacson kay Batangas First District Rep. Leandro Legarda Leviste.

Ayon kay Sen. Lacson, mismong ang ina ng neophyte congressman na si Sen. Loren Legarda ang lumapit sa kanya para hilingin na mabigyan ito ng advice kasunod ng mga natatanggap nitong pambabatikos dahil sa paghahayag ng nilalaman ng Cabral files.