%201.svg){kind=logo}
Emergency Hotline:
(+63) 2 911 – 8688
Inilabas na ng International Criminal Court (ICC) ang magiging schedule ng pagdinig sa confirmation of charges ni dating Pangulong Rodrigo Roa Duterte sa kasong crime against humanity. Sa siyam na pahinang desisyon ng ICC, isasagawa ito ng February 23, February 24, February 26, at February 27.
Nasa stable condition na ang 15 mga Pilipinong tripulante na iniligtas ng Chinese Coast Guard mula sa lumubog na M/V Devon Bay sa Scarborough Shoal. Ayon kay Department of Migrant Workers (DMW) Usec. Felicitas Bay, sasailalim na lang ang mga ito sa check-ups.
Posibleng itigil ng plenaryo ng Senado ang sweldo ni Senador Ronald “Bato” dela Rosa dahil sa patuloy niyang pagliban sa mga sesyon. Ito ang isa sa mga suhestyong pinag-uusapan matapos ang ilang buwang absence ng senador.
Mas tinaasan pa ng Bacolod City government ang multa sa sinumang mahuhuling magbibigay ng pera sa mga namamalimos, kabilang na ang mga Badjao. Mula sa dating ₱50, magiging ₱500 na ang multa sa mga lalabag.
Ginamit na ng lokal na pamahalaan ng Malilipot, Albay ang mga makeshift houses na ipinagkaloob ng Department of Social Welfare and Development para sa mga evacuee sa lugar dulot ng pag-aalburoto ng Bulkang Mayon.
