UNTV News and Rescue

Tinawag na fake news ng Malacañang ang kumakalat sa social media na may colon cancer si Pangulong Ferdinand Marcos Jr.

Kasunod ito ng pagkakatuklas na may diverticulitis si PBBM.

‍

Dumating na sa Estados Unidos si Israeli Prime Minister Benjamin Netanyahu para sa muli nitong pakikipagpulong kay U.S. President Donald Trump.

Magaganap ang pulong sa gitna ng umiigting na tensyon sa pagitan ng U.S. at Iran kaugnay ng nuclear capability ng Tehran na nais pigilin ng Washington.

‍

Tumaas ang tensyon sa Kongreso ng Estados Unidos sa pagitan ng ilang mambabatas at mga opisyal ng Immigration and Customs Enforcement o ICE sa gitna ng pagdinig kaugnay ng immigration crackdown na ipinatutupad ng administrasyon ni U.S. President Donald Trump.

Una nang binatikos ng publiko ang nasabing programa ng pamahalaan matapos ang pagkasawi ng ilang sibilyan sa gitna ng mga operasyon.

‍

Naibenta na ng Bureau of Customs ang kontrobersyal na Rolls-Royce na pagmamay-ari ng mag-asawang contractor na sina Curlee at Sara Discaya.

Nanalo sa bidding ng nasabing luxury vehicle ang may-ari ng Igorot Stone Kingdom Incorporated na si Engineer Pio Velasco.

‍

Overloaded at hindi dumaan sa tamang proseso ang lulan na cargo ng RORO vessel na lumubog sa karagatan ng Basilan kamakailan.

Ito ang lumalabas sa imbestigasyon sa sinapit ng MV Trisha Kerstin 3.
Ipinatatanggal na rin sa pwesto ang mga opisyal at tauhan ng MARINA at Philippine Coast Guard na posibleng may kapabayaan sa nangyaring insidente.

Pinag-aaralan na rin kung dapat sampahan ng kasong kriminal ang naturang mga opisyal ng MARINA at PCG, pati na rin ang kumpanya na may-ari ng lumubog na RORO vessel.

‍