UNTV News and Rescue

Inaprubahan ng Spain ang plano na gawing legal ang status ng humigit-kumulang 500,000 undocumented migrants.  

Ayon kay Spanish Prime Minister Pedro Sánchez, ito ay hakbang para sa katarungan at pangangailangan ng ekonomiya ng bansa.

Sa isang pambihirang pagkakataon, nagkaharap ang mga kinatawan ng Lebanon at Israel sa Washington upang pag-usapan ang posibleng pagtatapos ng labanan at pagbuo ng pangmatagalang kasunduan sa pagitan ng dalawang bansa.

Nanganganib na humarap sa global recession ang buong mundo kung magpapatuloy ang digmaan sa Gitnang Silangan at mananatiling mataas ang presyo ng enerhiya.  

Ito ang babala ng International Monetary Fund o IMF dahil sa patuloy na epekto ng kaguluhan sa ekonomiya ng iba’t ibang bansa.

Nakaabang ngayon ang buong mundo kung masusundan pa ang pag-uusap ng Iran at Estados Unidos para makabuo ng isang matagalang kasunduan kasunod ng pagkabigo ng huling negosasyon sa Islamabad.  

Tiniyak naman ng Pakistan na patuloy ang kanilang pagsisikap upang maibalik ang dalawang panig sa negotiating table at mapanatili ang tigil-putukan.

Tinawag na iresponsable at mapanganib ng China ang hakbang ng United States na magpatupad ng blockade sa mga daungan ng Iran sa Strait of Hormuz.  

Iginiit ng Beijing na posibleng lalo nitong palalain ang tensyon at ilagay sa panganib ang malayang paglalayag sa rehiyon.