%201.svg){kind=logo}
Emergency Hotline:
(+63) 2 911 – 8688
Ipinauubaya na ngayon ng Department of Energy sa law enforcement agencies ang isyu kaugnay ng kontrata ng kumpanyang pagmamay-ari ni Batangas 1st District Rep. Leandro Legarda Leviste.
Kasunod ito ng hindi pagbabayad ng kumpanya ng multa na umaabot na sa P24-B.
Sinimulan ngayong araw ang rollout ng mas pinalawig na murang bigas program ng pamahalaan. Nasa P19-B ang inilaang pondo ng Department of Agriculture sa programa ngayong taon.
Gayunman, may limit pa rin sa pwedeng mabili ng bawat beneficiary kada buwan.
Ininspeksyon ni Pangulong Ferdinand Marcos Jr. ang nagpapatuloy na konstruksyon ng Metro Manila Subway project.
Ayon kay Pangulong Marcos, tuloy-tuloy na ang pagpapatupad ng kauna-unahang subway system sa bansa dahil 100% nang nalutas ang right of way issue kaugnay ng proyekto.
Sinampahan ng reklamong indirect contempt sa Korte Suprema kanina si Senate President Vicente 'Tito' Sotto III.
Kaugnay ito ng kanyang mga pahayag laban sa Korte Suprema dahil sa desisyon ng hukuman sa impeachment case ni Vice President Sara Duterte.
Nanindigan ang bagong talagang spokesperson ng Department of Foreign Affairs for Maritime Affairs na hindi sila magpapa-impluwensya sa ingay ng mga diskusyon pagdating sa ugnayang panlabas ng bansa.
Kaugnay nito, tiniyak din ng tagapagsalita na patuloy ang ugnayan ng Pilipinas at China sa kabila ng nangyaring mainit na palitan ng pahayag ng mga opisyal ng pamahalaan at ng Chinese Embassy sa bansa.
