%201.svg){kind=logo}
Emergency Hotline:
(+63) 2 911 – 8688
Isang hamon sa Department of Agriculture (DA) ang pag-iimbak ng sobrang produktong bibilhin mula sa mga magsasaka.
Dahil dito, hinihikayat ng DA ang mas aktibong partisipasyon ng mga local government unit sa ilalim ng Sagip Saka Act, kung saan maaari silang direktang bumili ng ani mula sa mga magsasaka.
Ipinaliwanag ng Department of Finance (DOF) kung bakit hindi pa sinususpinde ang excise tax sa diesel at gasolina sa gitna ng panawagan para sa price relief.
Ayon sa DOF, mas makikinabang umano ang mayayamang sektor sa naturang hakbang at hindi ito direktang mararamdaman ng ordinaryong Pilipino.
Naniniwala ang ilang kongresista na may sapat nang probable cause para umusad ang impeachment case laban kay Vice President Sara Duterte.
Ayon sa kanila, kabilang sa mga batayan ang final disallowance ng Commission on Audit sa mahigit P73 milyong confidential funds ng Office of the Vice President noong 2022, gayundin ang pahayag ni Ramil Madriaga.
Kinuwestiyon ni Senator Imee Marcos ang mga naging pahayag ni Ramil Madriaga sa Kamara, na aniya’y walang katotohanan at salungat sa mga pangyayari noong 2021.
Nanawagan din ang senadora sa kanyang kapatid na si Pangulong Ferdinand Marcos Jr. na patigilin ang mga politikong umano’y ginagamit si Madriaga para sa pansariling interes.
Nakarating na kay Pangulong Ferdinand Marcos Jr. ang mga alegasyon ni Ramil Madriaga, kabilang ang umano’y kasunduan sa kanyang pagbaba sa puwesto bilang Pangulo sa 2025.
Ayon sa Malacañang, ipauubaya sa National Bureau of Investigation ang pagsisiyasat sa mga pahayag ni Madriaga, habang sinabing hindi na bago ang umano’y banta ng assassination plot laban sa Pangulo.
