UNTV News and Rescue

Sa nagpapatuloy na 81st session ng United Nations General Assembly sa New York, kabilang sa mga nagsalita ngayong araw si Israeli Prime Minister Benjamin Netanyahu.

Bago pa man niya simulan ang kaniyang talumpati, nag-walk out na ang maraming delegado mula sa bulwagan, habang ilang delegado naman ang nag-boo sa Israeli leader.

Naharang ng Saudi Arabia ang 6 na ballistic missiles na umano’y inilunsad ng Houthi rebels mula Yemen patungong Taif at Yanbu.

Hiwalay namang inako ng Houthi group ang pag-atake gamit ang dose-dosenang missiles at drones sa mga military site sa Jazan region ng Saudi Arabia.

Arestado ng mga tauhan ng Criminal Investigation and Detection Group ang dalawang indibidwal, kabilang ang isang Chinese national, dahil sa pagbebenta ng mga pekeng sako ng bigas sa Bulacan.

Bunsod ang operasyon ng mga pulis ng reklamo mula sa lehitimong brand owner na umano'y kinokopya ng mga suspek.

Iniimbestigahan na ng National Bureau of Investigation ang nasa ₱7 bilyong halaga ng flood control projects sa Davao City na naigawad umano sa iisang contractor mula 2018 hanggang 2024.

Bagamat kinumpirma na ng opisina ni Davao City Mayor Baste Duterte na natanggap na nito ang subpoena mula sa Senate impeachment court, wala pa itong ibinibigay na kumpirmasyon kung dadalo sa pagdinig.

Sa kabila nito, sinabi ni Senate President Sherwin Gatchalian na hindi agad papatawan ng contempt order si Mayor Duterte kung hindi ito sisipot sa paglilitis.