UNTV News and Rescue

Determinado si United States President Donald Trump na ipagpatuloy ang opensiba laban sa Iran at sinabing kabilang ang Kharg Island sa mga target ng operasyon.

Samantala, hindi ikinabahala ni Trump ang umano'y "kill list" ng Iran, habang inaakusahan ng Tehran ang Amerika ng panlilinlang at nagbabantang gagamit ng mas malalakas na armas.

‍

Iginiit ni Russian President Vladimir Putin na walang krisis sa Russia sa kabila ng mahahabang pila ng mga sasakyan dulot ng kakulangan sa suplay ng langis.

Samantala, naapektuhan na rin ang food delivery sa ilang lugar dahil sa kakulangan ng krudo.

‍

Pinatigil muna ang lahat ng water activities sa lalawigan ng Aurora bilang pag-iingat sa banta ng Bagyong Inday.

Suspendido rin ang klase sa buong lalawigan hanggang bukas, habang tiniyak ng lokal na pamahalaan na may sapat na relief supplies at rescue resources sakaling may mga lugar na ma-isolate dahil sa bagyo.

‍

Isinailalim na sa red alert status ng Department of Social Welfare and Development (DSWD) ang mga Quick Response Team nito bilang paghahanda sa posibleng epekto ng Bagyong Inday at habagat sa iba't ibang rehiyon ng bansa.

Ayon sa DSWD, prayoridad nitong mabigyan ng agarang ayuda at suporta ang mga bahain at hazard-prone na lugar.

‍

Para sa Malacañang, malinaw na may banta sa buhay ni Pangulong Ferdinand Marcos Jr., sa kabila ng paliwanag ni Vice President Sara Duterte sa naging pahayag nito.

Umaasa rin ang Palasyo na ibabatay ng Senate Impeachment Court ang magiging desisyon nito sa mga ebidensyang ihaharap sa kaso laban sa Bise Presidente.

‍