UNTV News and Rescue

Nag-inspeksyon si Deputy Prime Minister Hamdan bin Mohammed sa bagong air taxi station malapit sa Dubai International Airport bilang bahagi ng paghahanda sa paglulunsad ng serbisyo.

Ayon sa opisyal, handa nang gamitin ng publiko ang air taxi service na target simulan ngayong taon, bilang bahagi ng inisyatibo ng Dubai na palawakin ang urban air mobility.

Ipinag-utos ni US Department of State Secretary Marco Rubio ang mas mahigpit na hakbang laban sa mga dayuhang pinaghihinalaang sumusuporta sa mga kalaban ng United States, kabilang ang posibleng pagpapataw ng visa restrictions.

Saklaw din ng hakbang ang paghihigpit sa pagpasok ng mga indibidwal mula sa mga bansang may ugnayan sa mga kaaway ng Amerika, bilang bahagi ng pagpapalakas ng pambansang seguridad.

Binatikos ni U.S. President Donald Trump si Australian Prime Minister Anthony Albanese kaugnay ng paghahanap ng Australia ng oil supply sa ibang bansa, kasabay ng pahayag na maaari sanang tumulong ang United States.

Sa isang social media post, iginiit ni Trump na hindi umano tumugon ang Australia sa alok ng suporta ng U.S., sa kabila ng pangangailangan nito sa enerhiya.

Inaasahang darating sa United States ang mga kinatawan ng Israel at Lebanon upang magpulong sa White House sa loob ng susunod na apat hanggang limang araw, ayon kay President Donald Trump, kasunod ng napagkasunduang ceasefire.

Gayunman, bago pa man magsimula ang usapang pangkapayapaan, lumulutang na ang magkakaibang kondisyon at posisyon ng bawat panig, na maaaring makaapekto sa takbo ng negosasyon.

Naitala ang sunod-sunod na pagtaas sa presyo ng produktong petrolyo sa Pilipinas kasunod ng tensyon sa Middle East, na nakaapekto sa global oil supply at presyo sa merkado.

Ayon sa pamahalaan, limitado ang kakayahan nitong kontrolin ang presyo ng langis dahil nakadepende ito sa galaw ng pandaigdigang merkado.