UNTV News and Rescue

Hindi magpapatupad ng 4-day work week ang Pambansang Pulisya.  

Subalit tiniyak ng mga ito na magtitipid din sila ng enerhiya.

Naniniwala si Sen. Risa Hontiveros na hindi sapat ang pansamantalang pagsuspin­de o pagtanggal ng excise tax sa produktong petrolyo upang matugunan ang posibleng epekto sa ekonomiya ng tumitinding oil crisis.  

Ayon sa senadora, dapat ding maglaan ng sapat na pondo para sa repatriation at reintegration ng mga OFW, energy subsidy, at suporta sa sektor ng agrikultura.

Inihain ng Presidential son na si House Majority Leader–Ilocos Norte 1st District Rep. Sandro Marcos, kasama si Speaker Faustino ‘Bojie’ Dy III, ang isa pang panukalang batas na magkakaloob ng emergency powers kay Pangulong Ferdinand Marcos Jr. para suspendihin ang excise tax sa langis sa gitna ng krisis sa Middle East.

Magsasagawa na ng deliberasyon kaugnay nito ang House Committee on Ways and Means ngayong araw, March 10.

Nilinaw ng Department of Energy na pwedeng payagan ang paggamit ng mga drum o containers para sa mga bumibili ng mga produktong petrolyo kung ito ay gagamitin sa mga lehitimong operasyon.  

Ayon sa DOE, ilan sa mga halimbawa nito ang mga gaya ng agricultural at marine machineries and equipment.

Tiniyak ng Department of Energy na may makukunan pa rin ng supply ng mga produktong petrolyo ang mga kumpanya ng langis pagkatapos ng April 15, o ang panahon kung hanggang kailan tatagal ang imbak na langis sa bansa sa ngayon.  

Ayon kay Energy Sec. Sharon Garin, hindi ang supply ng langis ang isyu, kundi ang magiging presyo nito pagkatapos ng April 15.