UNTV News and Rescue

Posibleng mayroon pang mga dating security aide ni former Congressman Zaldy Co ang lumantad bukod sa unang nagpakilalang 18 miyembro ng Philippine Marine Corps.  

Ayon sa National Bureau of Investigation, handa silang magbigay ng proteksyon para sa mga ito basta’t lumapit lamang sa kanilang tanggapan.

Lumagpas na sa $100 kada bariles ang presyo ng langis sa pandaigdigang merkado sa gitna ng lumalalang digmaan sa Middle East.  

Nagdulot ito ng pangamba sa posibleng banta sa supply ng enerhiya at pagbagsak ng mga stock market sa iba’t ibang bahagi ng mundo.

Muling nag-anunsyo ng kanselasyon ng flights ang ilang airline company sa bansa dahil sa security situation sa ilang bahagi ng Middle East.  

Kabilang sa mga apektado ang biyahe ng Cebu Pacific mula at papuntang Manila, Dubai, at Riyadh hanggang Huwebes, March 12.

Ipinagtanggol ng Malacañang ang working visit ni Pangulong Ferdinand Marcos Junior sa New York sa Amerika sa gitna ng mainit na usapin sa labis na pagtaas ng presyo ng langis na dulot ng digmaan sa Middle East.  

Ayon kay Palace Press Officer Usec. Claire Castro, ang pagdalo ng Pangulo sa United Nations General Assembly ay mahalaga para ikampanya ang kandidatura ng Pilipinas para sa non-permanent seat sa UN Security Council para sa taong 2027 to 2028.

Ipinag-utos na ni Department of Migrant Workers Sec. Hans Leo Cacdac ang pagpapa-recall sa isang empleyado ng Migrant Workers Office sa Bahrain matapos ang umano’y hindi tamang asal nito sa mga overseas Filipino worker doon.  

Sa isang viral video, makikita ang tila pagtatalo ng nasabing empleyado ng MWO sa mga OFW na humihingi ng tulong dahil sa nangyayaring gulo sa Middle East.