UNTV News and Rescue

Umalis na sa bansa, madaling-araw ng March 19 ang ikatlong government-chartered flight upang sunduin ang mga overseas Filipino worker na apektado ng gulo sa Middle East.

Sakay nito ang ilang opisyal ng Department of Migrant Workers na siyang susundo sa mga OFW na nais nang umuwi ng Pilipinas dahil sa kaguluhan sa rehiyon.

Sa gitna ng mataas na presyo ng langis na maaaring magresulta rin sa mataas na presyo ng mga bilihin at iba pang mga serbisyo, muling lumulutang ang panawagan na magkaroon ng umento sa sahod ang mga manggagawa.

Pero nagbabala ang Employers Confederation of the Philippines o ECOP sa posibleng negatibong epekto nito sa mga negosyo.

Tiniyak ni Pangulong Ferdinand Marcos Jr. na sapat ang supply ng pagkain sa bansa sa kabila ng tensyon sa Middle East.

Ayon sa Pangulo, patuloy na mino-monitor ng gobyerno ang presyo at supply ng mga pangunahing bilihin.

Nagbabala ang Department of Agriculture na posibleng tumaas ang presyo ng ilang produktong pang-agrikultura dahil sa patuloy na pag-akyat ng presyo ng petrolyo.

Ayon kay Sec. Francisco Tiu Laurel Jr., pinag-aaralan nila ang pagpapatupad ng price control upang hindi masyadong maramdaman ng mga mamimili ang pagtaas ng halaga ng bigas, gulay, at fertilizers.

Nakatutok ang Armed Forces of the Philippines sa posibleng epekto ng transport strike ngayong araw, March 19.  

Ayon kay AFP spokesperson Col. Francel Margareth Padilla, bagama’t hindi sila ang pangunahing ahensiyang humahawak sa sitwasyon, nakaantabay ang kanilang puwersa para umalalay sa mga maaapektuhang pasahero.