UNTV News and Rescue

Nagsasagawa na ng imbestigasyon ang Philippine National Police sa posibleng kaugnayan ng isang police major kay Charlie ‘Atong’ Ang at sa Chinese triad ng iligal na sigarilyo sa bansa.

Si Ang ay itinuturing ng Department of the Interior and Local Government na most wanted person sa bansa at may patong sa ulo na 20 milyong piso.

Kumpiyansa ang ilang kongresista hindi uusad ang reklamong inihain laban sa kanila ni Atty Manases Carpio, asawa ni Vice President Sara Duterte.

May kinalaman ang reklamo sa mga dokumentong isinapubliko nitong nakalipas na House impeachment proceedings laban sa bise presidente.

Kinokonsidera na ng kampo ni Senator Ronald ‘Bato’ Dela Rosa ang hiling ni Sen. JV Ejercito na huwag munang tumanggap ng sweldo at allowances ang senador.

Ayon kay Sen. Ejercito pinag-uusapan na ito matapos ding makarating sa tanggapan ni Bato ang nasabing apela.

Idadaan ni Blue Ribbon Committee Chairman Senator Panfilo Lacson sa privilege speech ang Chairman’s progress report hinggil sa flood control project scandal.

Bukod dito, nais din niyang muling imbitahan si dating Speaker Martin Romualdez sa susunod na pagdinig ng komite at pagharapin sila ni dating congressman Zaldy Co pati na ang mga dating sundalo.

Naniniwala si DOJ Acting Secretary Fredderick Vida na nasa Europa pa rin ang puganteng si Zaldy Co.  

Bagama’t limitado lamang aniya ang impormasyong nakuha nila mula sa Czech authority, may suhestyon ang mga ito upang makakuha ng mas maraming impormasyon kaugnay ng whereabouts ni Co.