UNTV News and Rescue

Dumating na sa Pilipinas ang ikatlong chartered flight ng pamahalaan na may sakay na 317 Overseas Filipino Workers mula United Arab Emirates.

Lumapag ang eroplano kaninang 3 P.M sa Villamor Air Base.

‍

Nanawagan ng tulong sa pamahalaan ang ilang residente sa Vinzons, Camarines Norte matapos gumuho ang isang bahagi ng breakwater o flood control system sa kanilang barangay.

Pangamba ng mga opisyal ng barangay na daan-daang pamilya pa ang maaaring maapektuhan kung lumala ang pagguho ng istruktura.

‍

Nag-viral ang isang estudyante matapos ibuhos ang kanyang emosyon online nang hindi siya payagang makakuha ng board exam dahil na-late ng apat na minuto.

Aniya, naalala niya ang lahat ng sakripisyo, gastos, at hirap para lang makapaghanda at makakuha ng pagsusulit para sa inaasam na lisensya.

‍

Mariing nagbabala si U.S. President Donald Trump na tuluyang pasasabugin ng Amerika ang South Pars gas field ng Iran kung hindi titigilan ng Tehran ang pag-atake sa Qatar.

Ito ang sinabi ni Trump matapos masangkot ang Qatar energy facility sa mga pinsalang dulot ng tensyon sa rehiyon.

Ang pasilidad ay ang pinakamalaking producer ng liquefied natural gas sa mundo.

‍

Dinaluhan ni Pangulong Ferdinand Marcos Jr. ang ika-129 na anibersaryo ng Philippine Army ngayong araw.

Sa okasyon, ibinilin ng Pangulo ang patuloy na pagpapalakas ng hukbong katihan sa kakayahan nito at pagsusulong ng kapayapaan sa bansa.

‍