UNTV News and Rescue

- Kahon ng tax records ni Vice President Sara Duterte, hindi na binuksan ng House Justice Committee

- Testimonya ni Royina Garma sa International Criminal Court (ICC), posibleng magbunyag ng ‘funding’ sa drug war ni dating Pangulong Rodrigo Duterte – mambabatas

- Motorsiklong ginamit sa pamamaril sa negosyante sa Timog Avenue, Quezon City, natagpuan na; mukha ng mga suspek, malinaw sa CCTV

‍

Binigyang-diin ni King Charles sa kanyang talumpati sa United States Parliament ang matagal nang ugnayan ng US at United Kingdom sa pagtatanggol ng demokrasya.

Aniya, hindi dapat masayang ang samahang ito sa gitna ng umiiral na hindi pagkakaunawaan.

Kaugnay ito ng tensyon sa pagitan ni US President Donald Trump at UK Prime Minister Keir Starmer bunsod ng giyera sa Middle East.

‍

Batay sa isinagawang botohan sa Kamara, hindi na binuksan ng House Justice Committee ang kahon na naglalaman ng tax records ni Vice President Sara Duterte at ng asawa nitong si Atty. Mans Carpio.

Ayon kay House panel Chair Rep. Gerville Luistro, posibleng may sagot sa loob ng kahon kaugnay sa bilyong pisong halaga ng cash flow sa bank accounts ng pangalawang pangulo.

‍

Posibleng mabunyag sa gagawing pagtestigo ni dating PCSO General Manager Royina Garma sa International Criminal Court (ICC) ang umano’y sistema ng pagpopondo sa drug war ng administrasyong Duterte.

Nauna nang sinabi ni dating Senator Antonio Trillanes IV na inaasahang magbibigay ng testimonya si Garma sa ICC laban sa dating pangulo.

‍

Tinalakay sa Senado ang ulat hinggil sa pagtaas ng singil sa kuryente.

Kaugnay nito, nagrekomenda ang ilang senador sa Energy Regulatory Commission (ERC) na ipatupad ang staggered implementation upang mabawasan ang epekto sa consumers at maibsan ang kanilang gastos.

‍