UNTV News and Rescue

Bumili ang pamahalaan, sa pamamagitan ng Philippine National Oil Company (PNOC), ng 300,000 barrels ng diesel na inaasahang darating sa susunod na linggo upang mapalakas ang suplay ng langis sa bansa.  

Ayon sa Department of Energy (DOE), layunin nitong matiyak ang sapat na imbentaryo ng langis sa gitna ng tumitinding global oil crisis.

‍

Nilinaw ng Office of the Vice President (OVP) na wala silang programang nagbibigay ng cash assistance.  

Ginawa ng tanggapan ng Pangalawang Pangulo ang paglilinaw kaugnay ng kumakalat na pekeng impormasyon online tungkol sa umano’y cash assistance na ibinibigay ng OVP at ni Vice President Sara Duterte.

‍

Nanawagan ang Malacañang sa mga nagpoprotestang transport groups na pagtiwalaan ang gobyerno sa gitna ng patuloy na pagtaas ng presyo ng produktong petrolyo na epekto ng umiiral na tensyon at digmaan sa Middle East.  

Ayon sa Malacañang, mahalagang magkaisa at magtulungan ang lahat upang maibsan ang bigat ng epekto ng oil price hike sa mga motorista at sa transport sector.

‍

Umapela ang Department of Social Welfare and Development (DSWD) sa mga PUV driver na huwag dumagsa sa payout ng cash assistance sa susunod na linggo.  

Ayon kay DSWD Secretary Rex Gatchalian, nagtakda na ang ahensya ng iskedyul ng pamamahagi ng ayuda upang maging maayos at organisado ang payout.

‍

– Netanyahu, inaming sariling desisyon ang pag-atake sa south pars gas field

– Impeachment hearings vs VP Sara, posibleng bumilis kung 'di sisipot ang respondent — Luistro

– U.N. sa Iran, U.S.-Israel: Itigil na ang giyera bago mauwi sa matinding trahedya

‍