UNTV News and Rescue

Tiniyak ng Philippine Red Cross Masbate ang kahalagahan ng sapat na blood supply sa isla lalo na sa panahon ng emergency.

Ayon sa ahensya, malaking tulong ang mga blood donor, kabilang ang mula sa MCGI, upang matiyak ang tuloy-tuloy na suplay ng dugo sa lalawigan.

‍

Magpapatupad ng panibagong oil price adjustment ang mga kumpanya ng langis simula bukas, May 5, kung saan higit P2 kada litro ang itataas sa presyo ng gasolina at diesel, ayon sa Department of Energy.

Samantala, bababa ang presyo ng kerosene, habang tiniyak ng DOE na sapat ang suplay ng petrolyo sa bansa.

‍

Inihayag ni US President Donald Trump na magsisimula ang naval escort mission ng United States sa Strait of Hormuz upang tiyakin ang ligtas na pagdaan ng neutral vessels kasunod ng panawagan ng ilang bansa.
Ayon sa Pangulo, bahagi ito ng humanitarian mission at hindi dapat pakialaman ng Iran.

Tumutol naman ang Iran sa hakbang at nagbabala ng posibleng aksyong militar.

‍

Ipapatawag ng Land Transportation Franchising and Regulatory Board ang 21 ride-hailing apps na umano’y sangkot sa iligal na on-boarding scheme sa operasyon ng TNVS.

Layunin ng LTFRB na imbestigahan ang naturang sistema at tiyaking sumusunod ang mga kumpanya sa umiiral na regulasyon sa transport network vehicle service.

‍

Itinanggi ng Philippine National Police na laganap ang kaguluhan sa mga kalsada kasunod ng insidente sa Las Piñas kung saan kinuyog ng grupo ng kabataan ang isang pampasaherong jeep.

Gayunman, sinabi ng PNP na paiigtingin ang pakikipag-ugnayan sa iba pang ahensya ng pamahalaan upang mailayo sa krimen ang mga kabataan at maiwasan ang kahalintulad na insidente.

‍